मनाचा वॉर्डरोब

खोलीने गांगरला आहे काळोखाचा तुकडा डोहामध्ये पडला आहे काळोखाचा तुकडा दु:ख पाहिले आहे केवळ मी धैर्याने त्याचे माझ्यापाशी रडला आहे काळोखाचा तुकडा असेल आई त्याचीसुद्धा स्वप्नामध्ये आली, दुलईमध्ये निजला आहे काळोखाचा तुकडा अजून देऊ काय सुखा मी तुला पहुडण्यासाठी? कसाबसा अंथरला आहे काळोखाचा तुकडा फार स्वतःला जपून वावर लख्ख उजेडामध्ये, तुझ्यातसुद्धा दडला आहे काळोखाचा तुकडा कोण नदीच्या काठी आले होते कातरवेळी? बेवारस सापडला आहे काळोखाचा तुकडा ज्याचीत्याची न लिहीलेली एक कहाणी आहे, ज्यानेत्याने जपला आहे काळोखाचा तुकडा फोटोग्राफरपाशी अंतर्यामी लेन्स असावी, किती खुबीने टिपला आहे काळोखाचा तुकडा म्हणून जोडी जमली आहे तुझी नि माझी इतकी, तुझा नि माझा जुळला आहे काळोखाचा तुकडा ... ©अनिल विद्याधर आठलेकर

(वृत्त : कुड्मलदन्ती ) सुंदर कांती रविकिरणांचे दूत दिशांना उठवत येती पीत सुखाने कुसुमकरांचे स्पर्श पहाटे नवथर न्हाती धुंद धुक्याची अनुपम शोभा पाहत खेळे अवखळ वारा मुग्ध ऋतूची सुखद सफारी नित्य नव्हाळे जपत शहारा वृक्ष लतांची लगबग न्यारी ऊब जराशी जपत उराशी खार कुठेही सहज उनाडे कोकिळ गाई सुमधुर भाषी पाखरनक्षी नभपट व्यापी घेत भरारी भरभर भारी काढत येती अनवट काही रंगकमानी क्षितिजकिनारी गोप-गुराखी चरवत गायी पाहुन सोने हिरवट घेती माड नदीच्या अलगद कानी गूज स्वतःचे कळवुन देती पाय निघेना रविकिरणांचा रम्य नजारा मनभर दाटे सौख्य पहाया म्हणुनच येती रोज नव्याने सुभग पहाटे ... ©अनिल विद्याधर आठलेकर बुधवार, १२ डिसेंबर २०१८

    काही गोष्टींची आपल्याला सवय नसते, कदाचित अपेक्षाही.. उदाहरणार्थ अलका कुबलने तूफान विनोदी भूमिका केली आहे आणि चक्क आपण पोट धरून हसत जमिनीवर लोळतोय किंवा सरकारने सगळे लोकहिताचे निर्णय घेतले आहेत, सारे पुढारी फक्त जनतेच्याच कल्याणासाठी रात्रंदिवस झटत आहेत वगैरे वगैरे! हे आपलं स्वप्न मात्र जरूर असतं. कधी कधी या गोष्टी घडून जातात आणि आपण आपल्यालाच एक कडकडीत चिमटा घेऊन पाहतो ! काल म्हणजेच 10 डिसेंबर 2018 रोजी पहाटे अशीच एक शक्यता दिसू लागली आणि दुपार होता होता ती खरीही ठरली! ऑस्ट्रेलिया दौर्‍यावर गेलेल्या भारतीय क्रिकेट संघाने ऑस्ट्रेलिया संघाला त्यांच्याच घरात दिमाखात धूळ चारली, तीदेखील मालिकेच्या पाहिल्याच सामन्यात!! वाह..क्या बात है! अनेक वर्षे वाट पाहिल्यानंतर आलेला हा एक अतिशय आनंदाचा क्षण होता.    नाणेफेक जिंकून प्रथम फलंदाजी घेतली खरी पण सलामीवीर स्वस्तात परतले एवढंच नाही तर भारतीय फलंदाजीचा भरवसा असलेला कर्णधार विराट कोहली व त्याच्यामागोमाग अजिंक्य रहाणेही तंबूत परतले. प्रथम फलंदाजीचा फायदा टीआर मिळाला नाहीच उलट भारतीय संघ अडचणीत आला आणि अशावेळी मदती...

अंधाराची भेदुन कारा नवी प्रगटता प्रभा क्षणक्षण मोहित काळ अचंबित विस्मय वाटे नभा ठुमकत मुरडत नाचत नाचत ओढ जातसे पुढे हलके हलके दृश्य दिसतसे.. एक भरतसे सभा तरूवेलींच्या अंगांगावर धुंद शहारा खुले जिकडे तिकडे मुक्त उमलती दवबिंदूंची फुले दिशादिशांची करित चौकशी मोद जातसे पुढे घेई गिरक्या विहंगमाला कल्पतरुही डुले उभ्या कमानी जशा दुतर्फा तशा ठाकती कडा पहाटद्वारी निसर्ग घाली हिरवाईचा सडा स्पर्श तनूवर घेत मखमली ऊब जातसे पुढे चतुर विहरती स्वैर, लावण्या कृमिकिटकांचा छडा सुगंध शिंपित अनुपद धुंदित रोज पळतसे किती चराचराची भेट घेतसे, घेत रोज माहिती साज लेउनी तऱ्हेतऱ्हेचे 'वाट' जातसे पुढे ठसे सोडुनी हळवे हिरवे, हळवी हिरवी स्थिती ... ©अनिल विद्याधर आठलेकर दिनांक ३ डिसेंबर २०१८